相信街機係唔少人細個嘅共同回憶，當年莫講話智能電話，嗰陣連PS、電腦、掌機都未普，想約朋友打機自不然就係去機舖打返兩鋪。為咗令一眾機迷能夠重溫當年樂趣，日前SEGA就推出一部新版迷你街機「Astro City Mini V」，收錄22款經典垂直射擊遊戲。

SEGA繼上年嘅「Astro City Mini」之後，日前再推新作「Astro City Mini V」，外型同樣參照90年代紅極一時嘅街機「Astro City」，以1/6比例還原經典，但今次就採用更大嘅4.6咐3:4垂直螢幕，並支援HDMI輸出，能夠畀玩家們接駁其他影音裝置。

改用垂直螢幕，呢款迷你街機固然係主打垂直射擊遊戲！入面總共收錄咗22款嚟自唔同開發商嘅作品，其中就包括《STRIKERS 1945》及《雷電》等經典作品。而今次更追加咗快速存檔功能，撳一粒掣就可以即時保存遊戲，預計2022年夏季開始限量發售，定價為19,580日圓（約HK$1,340）。

22款經典遊戲一覽