Marvel年度壓軸之作《Spider-Man: No Way Home（蜘蛛俠：不戰無歸）》於上周正式上映，人氣有幾勁相信大家都有目共睹，周末黃金時段幾乎全院滿座，連最前排嘅座都唔放過！截至目前，《No Way Home》全球首周票房大收5.872億美元，僅次於《Infinity War》成為有史以嚟全球首周票房第3高電影。

從使疫情時期，加上Omicron變種病毒蔓延，《No Way Home》仍然創出驚人成績，喺北美開畫短短3日已大收2.53億美元票房，僅次於當年《Infinity War》開畫首周嘅2.57億美元，按目前情況，過多幾日勢必超越《Infinity War》成為北美首周票房史上第2高電影。

至於全球票房方面，《No Way Home》用咗唔夠一個禮拜就殺入2021年度票房排行榜第6位，同時超越晒《尚氣與十環幫傳奇》、《永恆族》以及《黑寡婦》等今年上映嘅MCU電影。順帶一提，至今《No Way Home》仍未喺中國上映，亦都唔知幾時會上，微博網民一遍哀號。唔知見到成績咁好，Tom Holland會唔會好似傳聞所講，會再拍多三部曲呢？