原定由2019年上映嘅《The King's Man（皇家特工：第一任務）》，經過好幾次延期，終於定於今年12月30日上映，今集為一部前傳，帶大家回到第一次世界大戰時期，講述情報機構Kingsman起源。

由於延遲咗2年幾先上映，所以預告片都有好幾條，大家從片中可以見到就算今集背景定於一戰時代冇高科技，但都依然保留到Kingsman嗰種獨有嘅英式幽默同創意打鬥設計。與此同時，今集全新嘅演員陣容亦非常豪華，當中包括《哈利波特》「佛地魔」Ralph Fiennes、《黑魔后 2》Harris Dickinson、《蘇西的世界》金像提名男星Stanley Tucci、銀河守護隊》金像提名男星Djimon Hounsou，以及前邦女郎Gemma Arterton，唔知佢哋會擦出咩火花呢？