日本每年年尾都會舉辦「年度漢字」票選，用一個字嚟概括過去一年，最近日本遊戲網站Game*Spark亦舉辦咗個類似活動，由讀者選出今年遊戲業嘅年度漢字，唔知各位機迷係咪都好有共嗚呢？

日前官方公布結果，其中「延」獲得最多玩家認同順利成為冠軍。無他嘅，由於疫情問題，打從上年開始無論大廠嘅3A級遊戲，定係獨立工作室嘅小品都試過推遲發售日。

其次就係日文漢字「転」，即係轉賣咁解。由於全球晶片短缺加上疫情帶動宅經濟，各大遊戲主機供不應求，成為黃牛黨炒賣對象，所以「転」好自然就上榜。

其他被選出嘅漢字仲有代表遊戲有Bugs嘅「蟲」及「虫」，以及代表有缺陷、不滿嘅「不」，簡單嚟講就係啲遊戲未完全整好就拎出嚟賣，令玩家感到不滿。總結而言，今年嘅字都比較負面，期望出年遊戲業會更好喇！