{ SKIP }
文:MenClub 艾力克  
POSTED ON 25 Nov 2021

歷年嚟彈出彈入多次,話退又唔係真係退休嘅動畫大師宮崎駿,日前接受《紐約時報》專訪時透露將會回到吉卜力工作室,重出江湖製作長篇新作《你想活出怎樣的人生(君たちはどう生きるか)》(暫定)!

雖然宮崎駿喺2013年宣布過《風起了》係佢封鏡之作,之後唔再拍長篇動畫,之不過呢位熱愛動畫嘅老人家又點捨得咁快「真」退休呢?佢最近接受《紐約時報》訪問嗰時,就透露過去呢四年都醞釀緊一部連名都未定嘅新作,目前只知道係改編自宮崎駿童年時熱愛嘅一本小說《你想活出怎樣的人生》,至於新作會唔會用返原著名稱,宮崎駿就話佢自己都未有答案。雖然宮崎駿成日彈出彈入,但考慮到佢老人家已經80歲,今次應該真係封鏡之作,大家一齊嚟期待一下。

《你想活出怎樣的人生》係日本作家吉野源三郎於1973年所寫嘅一本小說,曾改編成漫畫,講述父親離世、出身自小康之家嘅15歲中學生「哥伯尼」喺舅父嘅引導下探索友情、貧富、欺凌、勇氣等問題,從而帶出「人的價值」。

資料來源:紐約時報CNET

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025