中國人的創意有時真係嚇你一跳然後大笑！最近內地出現一個高顏值多功能美膚淨水花灑頭，設計獨特讓人感覺風筒中帶水潤激情，廠方自稱獲得原創設計國家外觀專利證書，係一個充滿致敬意味有趣花灑。當然我對其外觀設計相當有保留但同意其獨特設計係極具創意，我畀10個趣！！

呢個國內出品的花灑所示功能強大，可以護髮美肌去除氯氣過濾增壓最重要外觀特別出色，一望就覺得似曾相識。唔講以為是風茼但實際原來是花灑頭。相信十居其九購買者都係買其顏值外觀設計，但最有趣係廠方首先有證書強調獲得原創設計國家外觀專利。當然你推出一個似新奇士橙的蘋果，明明望落係橙榨汁出來確實係蘋果汁都應該吹你唔脹！

產品剛推出不久係網上暫時未有太多的資訊但11.11內地購物節時以298人民幣特價賣出唔少，但我個人必須重申我就絕對只推薦本地認證合符本港沐浴花灑用水效益標籤計劃的慳水花灑，有關詳細資料大家可以去本港水務署網頁查閱！網購有風險尤其跨地域網購，請各位保持謹慎網購。