隨住已故天后梅艷芳同名傳記電影《梅艷芳》上映，再度牽起唔少影迷/歌迷對梅姐嘅懷念之情。近日BlueArk平台聯同香港地道電影雜誌《電影雙周刊》攜手合作，將30多年前梅姐接受訪問時所拍攝嘅照片鑄成NFT公開拍賣，其中更包括從未曝光嘅絕密照片，希望藉此回顧天后梅艶芳從崛起到成名嘅傳奇。

香港地道電影雜誌《電影雙周刊》創於1979年1月11日，並喺1980年創辦香港電影金像獎，最高岸時期（90年代初）每期銷量高達13萬冊以上，直到2007年1月宣傳暫時停刊，橫跨20多年見證香港電影發展興衰。

圖片截自：BlueArk

適逢梁樂民導演執導嘅《梅艷芳》公映，《電影雙周刊》及BlueArk決定攜手合作致敬一代天后，將梅姐喺1991年接時訪問時，由黃志明所拍嘅訪問照片以及第313期（91年4月4日-17日）雜誌封面鑄成NFT公開拍賣。當年梅姐正值出道十年，《電影雙周刊》以「十載光華 梅艶芳」為題，記載梅姐個人展覽「梅艶芳十載光華滙展」，並從事業、感情以及個人成長多方面作一個回顧，記錄一代天后嘅成名之路，有興趣收藏嘅朋友可以到BlueArk了解更多。

資料來源：BlueArk