近年迪士尼熱衷將旗下經典動畫翻拍成真人版電影，繼《阿拉丁》、《花木蘭》、《小魚仙》後，下部就係家傳戶曉嘅《雪姑七友》。而官方亦喺幾個月前公布白雪公主將由拉丁裔女星Rachel Zegler飾演，今日就有外媒爆料指憑DC英雄角色「神奇女俠」走紅嘅性感女神Gal Gadot，將會飾演經典奸角邪惡皇后！魔鏡啊魔鏡，邊個係世界上最靚？

據外媒Deadline獨家報導，Gal Gadot將加盟迪士尼真人版電影《雪姑七友》，扮演白雪公主繼母「Queen Grimhilde」，雙方已經傾到最後階段，若然事成將會係Gal Gadot演藝生涯難得嘅反派角色。

除咗兩位主演之外，《雪姑七友》真人版電影確認由《500 Days of Summer（心跳500天）》、《The Amazing Spider-Man（蜘蛛俠：驚世現新）》導演Marc Webb執導，並與《La La Land（星聲夢裡人）》監製Marc Platt共同擔任監製，預計2022年開拍，不過未知幾時上映。