係好多學生的認知當中，Floppy係英文教材書中的一隻狗！佢地絕對唔認識Floppy Disk(3.5 吋磁碟)呢種咁古老的電腦資料儲存裝置。不過其實Floppy Disk剛剛今年先要被日本政府地區級機關完全放棄使用改推行數碼化。日本東京目黑區和千代田區決定停用其一直引以為傲讚譽有加「幾乎從不損壞、損失資料」的Floppy Disk 。正所謂再好用的碟都有退休的一日，磁碟片停產加上磁碟機維護費用增加，日本無可奈何「忍痛告別」最好用最安全從來唔壞的Floppy Disk。

你覺得好落後，但日本人覺得好好用！過去幾十年好多日本政府機構都將員工薪金出糧等資料儲存係3.5 吋磁碟(Floppy Disk)度，再交予銀行整合出糧。負責目黑區會計業務的人員對3.5 吋磁片讚譽有加，稱其「幾乎從未損壞、損失資料」。作為無IP的磁碟，係互聯網未面世前就應用的設施，因此被喻為「不能破解」，原因係「你不能破解沒有 IP 位址的東西」，故此磁碟的保安程度，絕對不用懷疑。雖然日本人真係好鐘意用Floppy Disk，但基於時代變化加上每年用磁碟的額外支出增加，不得不告別3.5 吋磁碟，改推數碼化同世界睇齊！

其實Sony 早於10 年前就停產 3.5 吋磁碟片，不過日本政府機關有大量磁碟存貨囤積，所以可以用到而家！ 決定不再使用磁碟儲存資料，純粹因為衍生的費用愈來愈高昂。絕對並非不信任及認為3.5 吋磁碟(Floppy Disk)唔好！可見日本政府近年雖積極推動數碼轉型，不過上有政策下有阻力。要完成全日本完全數碼化，真係唔可以「太心急」！