近日「文化盜用」、「Kawaii」等字眼成為日本Twitter嘅熱門字，唔少日本網民都討論緊究竟咩係「文化盜用」，點先算係「文化盜用」，背後原因其實就係早前一位名為「Nymphie」嘅英國Coser用「Kawaii」黎形用自己，結果就被人指責佢「唔係日本人但用日本字形容自己係文化盜用」，仲要公開道歉兼承諾以後唔用任何日本字形容自己。

View this post on Instagram

Mia Angelina（@sincerely_nymphie）分享的貼文

卻說身在英國嘅網紅兼Coser Mia Angelina (又名Nymphie) 於九月初時於IG上傳咗啲佢嘅Cosplay照，並用咗「Kawaii」呢個Tag，結果就被大批網民指佢係文化盜用，「唔係日本人就唔好用日本文化」、「外國人扮咩日本人、亞洲人啫」結果Nymphie嘅TikTok被禁言個幾月，而佢亦喺IG上公開道歉，表示唔會再用任何日本文化嘅字眼去形容自己、唔會於自己嘅創作上再用任何日本音樂、亦唔會再Cosplay任何著住日本校服嘅角色。

目前「文化盜用」一詞並無統一嘅定義，極廣義去睇，只要你唔係屬於該文化嘅人，但又用咗該文化嘅元素，就可以算係文化盜用。所以理論上一個香港人開美式快餐、玩Hip Hop音樂等都可以算係「文化盜用」。又例如早前韓國女團BlackPink成員Lisa就因為於MV中用上非洲文化中嘅髮型而被指文化盜用，結果要喊住道歉。

View this post on Instagram

Mia Angelina（@sincerely_nymphie）分享的貼文

值得一提嘅係，大部份批評Nymphie文化盜用嘅，都唔係日本網友，而係同樣唔係日本/亞洲人嘅外國人。到近日事件傳返去日本本土，就連日本網民都唔明點解Nymphie要被人鬧，仲非常有信心咁話「かわいい (Kawaii) 係邊個都可以用嘅字」，高呼「Kawaii is Freedom」。

亦有網民分析指，所謂「文化盜用」係發生於「主流文化」借用「少數文化」嘅時候，而使用主流文化 (例如大家去食西餐) 就唔會成為「文化盜用」。所以對於自身文化極有信心嘅日本就唔覺得用「Kawaii」呢個字有咩問題，反而係對日本文化未必好有認識、認為佢哋係「少數文化」嘅外國人先會認為係文化盜用。

文化盗用は通常マジョリティがマイノリティの文化を使用する際にその文化の担い手を奪うようなイメージで批判される。逆にマジョリティの文化はべつに「文化盗用」とはいわれない。どこの国の人でも世界のマジョリティである西洋の料理や衣装を楽しんで批判されない。問題は日本人はどうなんってとこ。

— Ayumu☕ (@K_A_W_cats) October 9, 2021

唔知大家又覺得Nymphie用「Kawaii」係咪問題？又究竟點先算係文化盜用呢？