由Daniel Craig主演嘅《007：No Time To Die（生死有時）》日前於英國舉行全球首映，除咗一眾主演及幕後團隊盛裝到場，更有幸邀請到多位英國王室成員到場支持，不過講到最吸引眼球嘅，莫過於喺劇中飾演CIA特工Paloma，今年33歲嘅古巴女星Ana de Armas。

當晚Ana de Armas造型同電影頗為相似，身穿由Louis Vuitton定制嘅珠鍊肩帶黑色天鵝絨禮服，搭配Chopard鑽石耳環到場，深V貼身加上高開叉設計長裙，將佢充滿凹凸感嘅身材完美顯現，甚至比在場嘅女主角Léa Seydoux更加搶鏡。

相信每位睇咗《007：No Time To Die》嘅朋友（包括我）都會忍唔住抱怨Ana de Armas戲份太少！不過短短幾幕就散發出極強個人魅力，性感得嚟又帶點可愛，身手敏捷以寡敵眾，為觀眾留下深刻印象。

如果你覺得Ana de Armas喺《007》嘅造型已經非常性感，事實上佢演藝生涯曾經有過更加火辣嘅演出，當中有多部作品更係全裸上陣，包括Keanu Reeve主演嘅《Knock Knock（夜半女敲門）》、西班牙情色電影《Mentiras y gordas》以及《Blade Runner 2049（銀翼殺手 2049）》等等，有興趣嘅朋友自己搵吓啦。