由「吉岡里帆」、「星野源」 主演嘅日清丼兵衛烏冬杯麵廣告一向極具人氣，兩人從2017年合作演出一個又一個令人印象深刻嘅小故事，其中化身成小狐狸嘅「吉岡里帆」更加紅到日清幫佢出埋寫真集。之不過呢，最新一集廣告就唔見咗「星野源」，得返「吉岡里帆」一個孤伶伶刨柴魚片...

從最新廣告可以見到「星野源」並冇出現，得返小狐狸「吉岡里帆」孤身一人刨柴魚片，背景更播出慘情音樂《北の宿から》。「吉岡里帆」刨緊柴魚片期間就閃過幾段同「星野源」嘅甜蜜回憶，但佢最後好似諗通咗啲嘢，將象徵「星野源」嘅黑框眼鏡掉咗出街。唔少日本網友都覺得因為「星野源」早前同「新垣結衣」拉埋天窗，所以先冇再接拍呢個廣告。我諗對於男觀眾嚟講，主角從來都係「吉岡里帆」，所以男方搵邊個飾演其實唔太重要，大家話係咪先！

以下同各位重溫一下過往嘅廣告集數。

同場加映「吉岡里帆」小狐狸寫真集。