活在中國的年輕人係自細管大的，繼非假日一日只能玩一小時遊戲後，睇片玩抖音都受到限制，中國抖音上週宣佈為「保護青少年」，特別推出抖音中國青少年模式保證內容健康，且但凡是 14 歲以下的用家，一日只能使用抖音40 分鐘，每日晚上 10 點到隔日早上 6 點都無法使用。有政府監管新一代中國人肯定係最幸福健康的正能量人，讓世界睇得見中國的未來。

字節跳動旗下中國抖音近日係微信上宣佈，14 歲以下的用戶，每天只能使用 40 分鐘，深夜更嚴禁睇片使用。目的就係要保護年輕人 。唔止禁玩抖音嘗試從引導層面更加改良「青少年模式」進一步加大青少年保護力道， 14 歲以下實名認證用家將直接進入青少年模式，增添好多新的內容，比如新奇有趣的科學普及實驗、博物館美術館的展覽，全國各地的美麗風光、歷史知識講解等等，希望相關內容可以激發起青少年對某個領域的興趣，睇影片的時候一面都學到唔同知識！其實抖音由2018年開始，已經推出時間鎖、青少年模式、親子平台、客服專線、家長手冊等各類未成年保護措施，持續升級和優化產品；同時建議家長幫助孩子完成實名認證進入青少年模式。唔單只係科技公司之前補習行業或者係娛樂產業嘅飯圈文化都成為整治目標之一。

唔可以打機唔可以睇片，咁不如直接立例青少年使用智能電話全部犯法，齊齊回到2G手機年代，小朋友只能用2G電話，連晶片都慳返！