007占士邦電影系列，今年將上映第25部電影《007：生死有時》(No Time To Die)，相信唔少Fans都相當期待，唔知今次占士邦又有咩行動呢? 而就喺電影上映前，adidas就同007聯手合作推出《adidas x 007》嘅ULTRABOOST系列，唔知會唔會有占士邦咁型呢?

是次《adidas x 007》聯乘系列一共有4款，全部均以ULTRABOOST 20為基底，顏色選擇方面分別有白色、黑色以及灰色。

以白色為主色的「DNA White Tuxedo」展現007招牌白色嘅燕尾服造型，鞋舌及鞋跟分別有007電影經典槍管圖案及 007 字樣。

黑色嘅「Black Tuxedo」，靈感來自007經典黑色燕尾服造型，鞋底緩震膠以凹凸外表示人，而鞋墊上亦印上電影中古巴嘅場景。

同樣係黑色嘅「Q Branch」，鞋側支架加入隱藏口袋，向007世界入面高科技精密裝備嘅研發地Q Branch致敬。

最後灰色嘅「No Time To Die Villian」靈感黎自007最新反派 Safin，表面以粗糙水泥造型示人，純白鞋側支架模擬 Safin嘅陶瓷面具，鞋墊則印有Safin嘅地堡細節。