{ SKIP }
文:MenClub 艾力克  
POSTED ON 13 Sep 2021

為慶祝「合味道」杯麵問世50周年,一向創意滿分嘅日本日清,早前就用特攝戰隊風格拍咗條廣告片宣傳4款新口味杯麵,貫徹搞笑騎呢風格。不過佢哋似乎嫌單嘢未夠爆,今日就加碼推出4款「杯麵口味」碳酸飲料以及8款美味棒零食,邀請有覺悟成為勇者嘅朋友嘗試一下。

今次日本日清挑選出原味 、海鮮、咖喱、香辣蕃茄4款經典口味,分別製作成碳酸飲料(容量280ml),等各位享用清涼飲料時,亦可以品嚐到合味道風味。可能大家會心諗「咁咪好鹹囉?」,但據官方介紹,呢幾款飲品係以蘇打水為基底,再加入香料調味,斷估就唔會鹹嘅(好似係)?

Cup Noodle Soda(原味):薑味蘇打水、帶醬油及胡椒風味

Cup Noodle Seafood Soda(海鮮味): 忌廉味蘇打水、帶海鮮風味

Cup Noodle Curry Soda(咖喱味):可樂味蘇打水式、帶咖哩香料風味

Cup Noodle Chili Tomato Soda(香辣蕃茄味):番茄味蘇打水、帶有清爽刺激口感

另外,今次日清同日本國民零食「美味棒(うまい棒)」推出8款聯乘口味,至於好唔好食就要有機會試過先知。

「合味道50周年紀念包」9月17日起於日本Amazon及官網限量發售,售價為2,998日元(約$212港幣),內含8款合味道杯麵、4款「合味道口味」碳酸飲料以及8款美味棒。

資料來源:日本日清
第二屆搞笑諾貝爾獎(Ig Nobel)已於網上完成頒發,其中和平獎得主生物學教授David Carrier研究出人類演化出留長鬍鬚係為左吸收臉部挨打時所受的衝擊力。 ... ... ... ... ...
hobby
【科學】搞笑諾貝爾和平獎結論人類演化有鬍鬚係為左吸收臉部捱打所受衝擊力
20 Sep 2021
SpaceX 旗下衛星網絡服務 Starlink即將全球正式營運,完成公開測試,雖然相比起最初預計時間延遲2個月,不過公司目標不變,未來一年內將致力達成全球50萬用家使用!Starlink 星鏈服務,已建成 1.2 萬粒近地衛星,組 ...
hobby
【新科技】Starlink寬頻服務完成測試即將正式營運全球山旮旯上網必達
20 Sep 2021