如今全球最賺錢的網上遊戲唔再係《王者榮耀》，而係新興區塊鏈遊戲《Axie Infinity》。其中一個主因係呢隻遊戲首創同玩家一齊賺真錢的創新玩法，容許玩家賣遊戲精靈 NFT 予其他玩家，據東南亞玩家分享靠呢隻遊戲一日玩8個鐘月收入可賺過萬港幣？！故單7月份呢個遊戲平均收入達3.34億美元成為全球最賺錢遊戲？不過世上真「有咁大隻蛤乸隨街跳」？恐怕可能將有人掉入龐氏騙局當中！未來遊戲好可能轉變成為大家炒賣賺錢的其中一個工具？

新興區塊鏈遊戲《Axie Infinity》爆紅東南亞國家，原因係首創玩家可以齊齊賺創新模式：容許玩家賣遊戲精靈 NFT 予其他玩家，目前越南、菲律賓與馬來西亞極多玩家，日夜狂玩當正職，有人靠此款遊戲平均月收達1萬元港幣，遊戲也因此火速由東南亞紅到全球。據Sensor Tower與Token Terminal調查機構數據，今年6月，以區塊鏈概念建立的精靈戰鬥遊戲《Axie Infinity》單日平均收入與《王者榮耀》並列全球第一。去到7月《Axie Infinity》平均收入3.34億美元已超過王者榮耀2.31億美元，成為最強吸金遊戲。

《Axie Infinity》特色係當玩家養出各種技能強大的遊戲精靈角色後，可透過發行NFT，賣予其他玩家獲利，吸引好多東南亞玩家花最低4~5美元成本訓練養好精靈，再高價轉賣予歐美玩家。有越南玩家表示，現時藉手遊可月入1,300~1,700美元。幣虎（Coingecko）平台估算若馬來西亞與菲律賓玩家每日努力玩8小時，平均月收最高也可達1,665美元。除左自行投入養精靈，菲律賓更萌生代養精靈的新行業。據當地大學畢業生指出，單協助培養Axie精靈，通常每月最多可賺300美元，係菲律賓大學畢業生月收入平均得200美元月薪。所以大家即時明白點解呢個遊戲全東南亞瘋狂！

菲律賓、印尼、馬來西亞好多人過去唔太識電腦，但近期全部變成虛擬貨幣、NFT或區塊鏈專家，街頭巷尾不時有人交換幣圈新趨勢。甚至係部份國家如菲律賓已成為全民運動，菲律賓政府近期慎重考慮話要徵稅。好多人開始擔心遊戲成為龐氏騙局（Ponzi scheme），因為遊戲並非免費，想加入首先必須購買三款精靈NFT，讓NFT上鏈，入game開局需要支付礦工手續費。如今遊戲大旺場下，一個精靈角色的成本迅速由4美元暴漲成500美元，即而家需要先投資1,500美元先可以加入養精靈行業，好多人開始玩唔起，當然仲有人會先課1500美金想賺返三幾千美金。

最後同類遊戲會點發展，我承認我可能已落伍，追唔到年青人創新新玩法同賺錢方法，可能其實呢類遊戲已經顛覆全球遊戲產業，走出一條打機搵銀新血路。係新趨勢定還是橋唔怕舊的新科技大騙案絕對值得後續關注。