無論遊戲機、動漫商品、波鞋潮物，只要悄有商機就會吸引黃牛黨、排隊黨瘋狂搶購炒賣，令一班真正粉絲只可以捱貴食炒價。最近日本埼玉市一間商店就諗到新招，要求顧客預訂最新Pokemon遊戲卡（PTCG）嗰陣要做「真粉測試」，答啱圖中Pokemon嘅名先準買，話唔定呢種方法可以推廣到高達模型、波鞋、人偶等等。

お待たせ致しました‼️ 9/24 発売のポケモンカード予約情報はコチラです‼️

必ず、内容の確認をお願い致します。

デッキに関しては、見せて頂くため、現在使用中のデッキをお持ちください！✨
ポケカクイズに関しては、例題をツイートに掲載しているので、参考にしてください‼️ pic.twitter.com/xojSMNjXRX

— TSUTAYA大宮指扇店　トレカ売り場 (@TSUTAYASASHIOGI) September 4, 2021

近日位於埼玉市嘅連鎖影音店TSUTAYA於Twitter表示，如果客人想預訂Pokemon遊戲卡最新擴充包，需要自備目前所用嘅卡組或正確回答「Pokemon真粉測試」（某啲情況下可能兩樣都要做齊），而且交付嗰陣店家仲將會外層嘅熱縮膜包裝拆除，藉此打擊黃牛炒賣行為。

如上圖所示，店家將會隨機抽出4張卡牌，要求顧客講出當中Pokemon嘅名，只要答啱2題就合格。唔少網友都留言大讚德政，甚至有人話要增加難度，要客人答埋隻Pokemon咩屬性，排除出「真．Pokemon迷」。唔知大家又點睇呢個新招呢？話唔定高達模型、波鞋嗰啲都可以參考一下！