如果一次旅程要求參加者帶 Apple Watch Series 6、iPhone 12 Pro 和 iPad mini 4跟身，好明顯你會認為這是蘋果出手的宣傳廣告！然而太空航天公司 SpaceX 9月15號發射的 Inspiration 4 發射任務，計劃之一係收集一般人係太空活動數據，工具就係利用蘋果裝置將其變身成為醫療應用隨身裝備， iPad mini 4加應用程式成為測試記錄同應用重心， Apple Watch 6堅料，手錶會自動收集飛行期間配戴者的心電圖、心率變化、運動、睡眠、血氧飽和度等數據。跟手iPhone 12 Pro加個Butterfly IQ+ 超音波探測器，掃埋超聲波檢測器官，上到太空跟手做埋產檢都仲得！

Elon Musk最識得慳錢同用盡現世資源，上太空做實驗去研發一大輪太空醫療檢測裝置，倒不如善用資源，全部人帶簡單方便隨身的蘋果裝置已經搞掂！ Apple Watch Series 6、iPhone 12 Pro 加埋 iPad mini 4跟身，上到太空都夠做！對上一次SpaceX 帶部Tesla跑車上太空，純粹係威威，但今次Apple產品係實戰應用！全用作採集普通人於太空活動數據，進行健康研究。計畫係Inspiration 4 發射任務之一部分，亦係全球首批環繞地球飛行的商業載人航天計畫，將於 9 月15 日舉行首次發射，參與飛行的四人均為未參加航天訓練的普通人。

蘋果裝置將會係為期 3 日的活動發投作用，4 位成員將配戴 Apple Watch 6，利用手錶自動收集飛行期間配戴者的心電圖、心率變化、運動、睡眠、血氧飽和度等數據。為了解太空環境對普通人認知的影響，輕便的 iPad mini 就成了方便隨身的測試工具，每部 iPad 都安裝專門認知測試應用程式，以便參與計畫的人員使用，了解參加者於太空對物體、人物等認知會不會有變化、及有哪些變化。飛行期間，如遇到特殊情況仲可將 iPhone 12 Pro 連到 Butterfly IQ+ 器官掃描器，直接掃描船員身體的器官，以便醫療人員進行治療或準備其他應對方案。

SpaceX 為蘋果搵到全新的、極具實用意義的太空新領域。對比起傳統研究裝置，Apple Watch 和 iPhone 等蘋果裝置優點在於便攜式和隨身性，收集數據更方便、運輸壓力極小。至於 iPhone、Apple Watch 能否長期適用健康乃至科學研究，恐怕就真係要上太空試過先有答案，人類利用蘋果等細小精密裝置上太空應用，係一個全新的嘗試。唔知中國科學家同中國載人航天會唔會受啟發應用小米裝置上太空？