有別以往嘅Marvel電影，最新一集《尚氣與十環幫傳奇》就以華人英雄尚氣為主角，因此加入大量華人角色，其中就包括我地嘅香港影帝梁朝偉。

相信梁朝偉有幾好戲我地香港人應該係人都知，基本上一個眼神已經完全交代晒啲戲。而今次電影主角尚氣劉思慕，就係第一次同我地呢位影帝對戲，並直言對方真係一名「傳奇級」演員。

劉思慕表示，梁朝偉拍戲沉著冷靜、風格含蓄但極具表現力，每一日嘅拍攝就好似大師一樣。特別係佢嘅靜止狀態，只靠眼神就已經可以傳遞出非常情緒化嘅感覺，而這令佢感到平靜並且自在。而劉思慕坦言自己可以望住梁朝偉嘅眼神好幾個鐘，而正因為咁令佢非常鍾意呢次拍攝工作。

其實可以望住梁朝偉對眼，真係有邊個可以頂得住? 男人都係咁話....