備受全球影迷期待嘅《Spider-Man: No Way Home》終於公開首條預告！內容同早前嘅流出大致相同，Peter Parker與Doctor Strange攜手打開多重宇宙大門，經典反派八爪魚博士以及綠魔相繼現身，電影預計今年12月上映。

今次故事緊接前作《Spider-Man: Far From Home》片尾，講述「Daily Bugle（號角日報）」公開Spider-Man真實身份就係Peter Parker後，外界指控佢用無人機殺害「Mysterio（神祕客）」Quentin Beck，令佢飽受輿論攻擊，生活大受影響。結果Peter Parker只好搵上Doctor Strange，希望對方可以用法術令大家忘記佢係Spider-Man…

雖然「王」叮囑Doctor Strange唔好亂用咒語招致危險，但佢最後都選擇暗中幫助Peter Parker，施完法亦警告Peter Parker時空隱定已遭扭曲，喺人類對多重宇宙認知有限嘅情況下，未來可能會面臨硬多危險同挑戰，之後就見到綠魔嘅炸彈同埋八爪魚博士現身。

成條預告片同爆料人「Nick 'Professor Hulk' Santos (@ProfHulksLab)」日前所講嘅情報大致相同，有好多Doctor Strange嘅鏡頭、八爪魚博士對住Peter Parker講「Hello Peter」等等，不過佢就話由於呢條預告係用「電影前20分鐘」剪出嚟，所以前兩代Spider-Man Andrew Garfield同Tobey Maguire並未出現喺預告入面，實際上兩人都有份參演。雖然官方一直都冇確認過今部電影會有Spider-Man「三代同堂」，但考慮到爆料人講中晒條預告片，睇嚟可信程度非常之高。

The other thing too is that the trailer is very Doctor Strange forward, it'll definitely paint him as being in the movie more than he actually is. This is partially to bump the MCU connection but also because it's from the first 20 min of the movie.

— Nick 'Professor Hulk' Santos (@ProfHulksLab) August 22, 2021

I'm hearing that No Way Home saves Tobey for 3rd act reveal and Andrew for 2nd act reveal. They'll probably just show stuff from first act so I doubt they'll show either of them in any of the marketing materials.

— Nick 'Professor Hulk' Santos (@ProfHulksLab) August 22, 2021