擁有皇家認證的英國百年皇室品牌DAKS，2021件秋冬系列繼續保留經典傳統底蘊，並以三個不同故事串連住品牌理念。

第一個故事要追溯至1950年代 — 一個取得偉大成就及盛世嘅時期，以英國為靈感嘅服飾設計及優質布料嘅悠長歷史。顏色選擇代表怡人嘅秋季 — 成熟優雅暗酒紅色、帶點魅惑嘅啡色及高貴嘅英式藍調。

第二個故事引領客人走入複雜矛盾嘅新生活，圍繞著DAKS與家園及大自然之間嘅關係所產生嘅轉變。結合柔軟觸感、天然染料及舒適簡潔嘅物料，務求締造可持續發展嘅生活方式。顏色上採用柔和嘅米色、細緻嘅海苔綠色及鮮艷嘅柑橘色調。

最後一個故事則去尋找設計、創新及生活嘅未來可能性。多款簡單俐落主要單品塑造全新系列，滲透著深邃嘅藍色及灰色，並配上充滿活力嘅橙色色調。隨住消費者喺價值觀上嘅改變，DAKS確保喺產品嘅生產及消費過程中做到一絲不苟，並致力追求品質管理及持久性。