每個人都有唔想人知嘅癖好，而當你與另一個人發展戀情、甚至帶佢返屋企時，就要面對對方可能會唔接受你癖好嘅風險。日本一名虛擬Youtuber (vTuber) 的粉絲日前就遇上一宗人倫慘劇，唔單止女友唔接受佢嘅喜好，更加擅自將佢多個收藏清空！

日本Twitter 用家「さとうきび フォロバする @foxcoer」係虛擬Youtuber組合「Hololive」嘅忠實粉絲。從其Twitter嘅照片中能夠見到，佢成間房無論係牆身、櫃門、以至天花板全部掛滿Hololive嘅捲軸畫，甚至電腦嘅Wallpaper以及梳化上嘅攬枕都有Hololive嘅影子。明顯係非常鍾意。

而早前「さとうきび フォロバする @foxcoer」就識咗個女朋友，而且睇黎係有意同對方長期發展，所以佢喺7月中決定將對方帶返屋企，首次公開自己嘅收藏以及Hololive粉絲嘅身份。事前佢就已經發文表示好緊張，但女朋友知道後似乎全盤接受佢嘅喜好，搞到佢鬼咁開心，高呼Hololive同女朋友兩個都咁愛！

「今天我交往的對象會來我家。除了家人之外，誰也沒有去到的御宅族房間。我一直都保守了自己是個V聽眾的秘密，今天決定要公開了。」

本日お付き合いさせて頂いている方がはじめて自分のお家に来ます
家族以外誰にもオタ部屋に入れたことがありません
今まで自分がVリスナーであることはずっと内緒にしていましたが意を決して今日告げてみようと思います pic.twitter.com/TuP08GFWxJ

— さとうきび????フォロバする❄️☃️ (@foxcoer) July 17, 2021

「現在的交往對象完全明白我作為V愛好者以及御宅族的所有愛好！！」

現在お付き合いしているお相手さんにV好きであること、ヲタクである自分の趣味を全て理解して頂けました！！！！！
まぁTwitter垢はドン引きされたけど。。
推しか恋人かどちらか選べなんてできない
両方好きだもの pic.twitter.com/NTK37CUZhK

— さとうきび????フォロバする❄️☃️ (@foxcoer) July 22, 2021

可惜佢嘅幸福只係持續咗幾日，某日佢就再於Twitter上發文，話佢女朋友喺未經佢同意之下，將佢成間房嘅Hololive物品全數清空，只係剩返個電腦Wallpaper冇換到。

「回到家中，很驚訝的發現交往對象在未得我同意下，把我的房間變回普通房間。」

帰ってきたら交際相手に勝手に普通の部屋にされててびっくりした pic.twitter.com/80uZnR2vwp

— さとうきび????フォロバする❄️☃️ (@foxcoer) July 26, 2021

有網民知道佢嘅慘況後，紛紛勸佢同條女分手，仲叫推主報警。另外亦有網民送上Hololive 捲軸畫以作慰問，但「さとうきび フォロバする @foxcoer」最後都話自己感到非常疲倦，所以暫停更新Twitter。

想像一下推主用咗幾大勇氣、有幾鍾意佢女朋友，先向對方坦承自己嘅喜好，結果空歡喜一場之餘仲要失去所有收藏，的確係一個重大打擊。