手機遊戲如今係世界重要產業之一，估唔到出品手遊唔只係商業仲可以係國家級巨獻，剛得到歐國杯的意大利，國家隊意大利外交部製作並推出左一個手機遊戲《ITALY.Land of Wonders》，向全球推廣意大利文化旅遊，讓更多人認識意大利。原來外交部係可以推出遊戲推廣國家級文化遺產！如果中國外交部都推出一個手機遊戲，唔知大家覺得係咪大有可為，玩金句接龍都可以玩成晚！

呢個遊戲如果唔係意大利外交部出產，其實無咩值得推薦，但國家推出遊戲向全球推廣就幾有趣。遊戲為意大利外交部製作振興觀光專案，玩家將會係遊戲中遇到 5 位守護者，跟隨佢地引導探索意大利各行政區中的 5 個項目：自然、美食、藝術、表演和設計。遊戲地圖以意大利的 20 個大區劃分，每大區內 5 個小關卡，玩法為益智拼圖類型，只要簡單轉動積木搵出過關路線即可。隨著關卡不同，會進行轉動次數的限制、時間限制等增加難度。

過關獎勵就係好多唔同的意大利特色照片，由你認識的美麗地標景點到特色小吃，通通都以實際圖片呈現出來！無論是否熟悉意大利定還是只對意大利足球國家隊有興趣，都可以透過這款遊戲增加更深層的認識。如果大家好耐無去過旅行， 都可以憧憬一下去意大利玩的未來生活。《ITALY.Land of Wonders》已經係 iOS、Android 雙平台上架，遊戲有簡體中文、英文等多國字幕選擇。