{ SKIP }
文:MenClub 波特先生  圖:互聯網
POSTED ON 21 Jul 2021

《龍珠》作為日本國民漫畫,其受歡迎程度已經係達到全球性,雖然近年嘅新作比人覺得了無新意,頂多就係頭髮又換下顏色,但係仍然極多Fans期待接落黎嘅故事。而黎到《龍珠超》最新一話,「千年老二」比達將可能擁有超越悟空嘅力量。

作為故事嘅第二男主角,比達一直比第一主角悟空壓制,就算佢點努力力量都係會被對方超越。不過近期兩位主角開始出現進化分歧,其中悟空主力由天使維斯指導而獲得「自在極意」力量,比達則由破壞神比魯斯指導下而獲得「破壞」嘅力量。

黎到最新話,即使悟空動用全力嘅「自在極意」,亦被獲得宇宙第一力量同時憎恨著撒亞人嘅格蘭諾拉打敗。就係咁悟空退場比達上陣,而從最新嘅截圖可以睇到,比達雖然開頭被對方打到吐血,但佢突然發動變身,雖然未證實但估計應該就係起用新力量「破壞」。

今次嘅變身最特別之處就係比達嘅眉毛完全消失,比佢嘅M字眼消失得更徹底,同時預計佢嘅髮色好大機會變成紫色,就係黎自比魯斯嘅「破壞」力量。

究竟今次比達會唔會可以首次搶盡風頭,超越悟空由佢打敗今次嘅最強對手呢? Fans們一定要拭目以待啦!

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025