據外媒《Deadline》報導，華納兄弟同DC正為全新英雄電影《Batgirl》物色緊女主角，目前主要鎖定Zoey Deutch、Isabela Merced、Leslie Grace以及Haley Lu Richardson四位新世代演員，不過有消息指出Haley可能喺試鏡前就落選，預計最快喺今個禮拜展開試鏡。

早於2017年開始，華納就聘請《Avengers 2》導演Joss Whedon開發以DC角色Barbara Gordon為原型嘅《Batgirl》電影，並同時擔任新作導演、編劇及監製，不過後來Joss Whedon就以「諗唔到一個好故事」為由喺2018年退出製作。其後華納又打算搵女導演代替Joss Whedon，經過多番波折，最終喺兩個月前宣佈新作將由《Bad Boys for Life（重案夢幻再重組）》導演Adil El Arbi、Bilall Fallah執導，女主角人選亦即將出爐。

Haley Lu Richardson、Zoey Deutch、Isabela Merced、Leslie Grace。（左至右、圖片截自：Deadline）

目前華納嘅心水人選有同樣係歌手出身嘅Leslie Grace同Isabella Merced，以及Zoey Deutch同Haley Lu Richardson，四人都係被睇好嘅新世代年輕演員。

Haley Lu Richardson（圖片截自：instagram@haleyluhoo）

Zoey Deutch（圖片截自：instagram@zoeydeutch）

Isabela Merced（圖片截自：instagram@isabelamerced）

Leslie Grace（圖片截自：instagram@lesliegrace）