罪大滔天宣佈即將電影化《超時空》系列

文：MenClub 魏文青　　圖：互聯網
POSTED ON 29 Mar 2015

如果問起「動漫史上用歌聲黎戰鬥」嘅作品，除咗《唱K小魚仙》，就數《Macross 7》嘅「巴薩拉」，呢套亦係文青心中嘅《超時空》代表作品。但對於再老一輩嘅Gentlemen黎講，真正嘅《超時空》系列應該係由84年於香港播放嘅《超時空要塞》、85年播嘅《機甲創世紀》和87年播嘅《超時空騎團》所組成。想重溫一下呢套經典，但又怕睇慣高清之後睇返當年啲畫質會壞眼？唔使擔心，因為好快有新作－－仲係真人版添！

話說「罪大滔天」Sony旗下嘅Columbia Pictures製作總監Michael De Luca早前接受訪問時透露，Sony已經理清楚《超時空》系列嘅版權問題，並已經開始製作第一集。劇本方面就由曾經為《戰狼300》和《G.I. Joe》執筆嘅Michael Gordon負責。Michael De Luca指《超時空》系列嘅經典三角愛情線、反叛的英雄和瀕臨滅亡的世界觀，可以建立出很多很有趣的可能性。」

值得一提嘅係，美國本土播映嘅並唔係三集《超時空系列》而係當年「Harmony Gold(HG)」從製作公司「龍之子Production」買下《超時空要塞》的動畫發行權，再將《超時空要塞》、《機甲創世紀》和《超時空騎團》三部剪埋做一部嘅《Robotech》。之後HG更加自行製作漫畫、動畫續作、電影、小說、遊戲等等，99年更加在世界各地註冊「MACROSS」商標，宜稱擁有「除日本以後的所有「MACROSS」專屬權(事實上HG曾嘗試於日本注冊但未成功)結果引來日本《超時空要塞》贊助商Big West反對，雙方對簿公堂收場。所以Michael De Luca才說要理清版權問題。之於Sony的真人版電影究竟是基於邊一個版本嘅故事，就可能要上映先知啦。