【慶祝100集】《ONE PIECE》海賊王 X WHERE'S WALLY多項大動作跨界祝賀

由1997年到而家《ONE PIECE》海賊王陪伴左一班動漫迷好長時間，霎眼間已抗戰二十多年，今年9月3號原來係海賊王行本第 100 集發售在即。日本官方係呢段期間推出多項活動慶祝，仲有好多跨界合作包括同WHERE'S WALLY合作推出海報畀大家搵返草帽一夥團員，當然仲有好多其他包括AR太空宇航合作遊戲，總之呢個月海賊王迷絕對唔會悶，悶悶地不妨入去搵下Where is 草帽海賊團！！

為左慶祝人氣漫畫《ONE PIECE》單行本第 100 集發售在即（9 月 3 日），官方推出左一系列紀念活動「WE ARE ONE.」，除了例牌《ONE PIECE》漫畫免費或相關優惠，今次仲有許多跨界合作，邀請《海賊王》動漫迷齊齊玩盡呢二個月。

 首先集英社將會聯同 JAXA、KIBO 宇宙放送局一齊推出特別企劃「KIBO DISCOVER PROJECT」。ONE PIECE迷可以透過手機 AR 功能，帶草帽海賊團順利抵達國際太空站（International Space Station，ISS）。詳細內容將在 8 月 2 日於特別網頁公開。是項稱為JAXA（宇宙航空研究開發機構）合作計畫。如果你學緊日文，不妨睇埋《ONE PIECE》官方 Youtube 頻道預計 9 月 3 日邀請現任日本宇航員星出彰彦參加的特別節目。此外官方將邀請幾位電影導演，以戲劇場景搭配 5 位動畫導演製作的動畫場景，製作成短篇多角色共演作品。詳細名單未定。到9月尾田係連載《海賊王》前推出過的短篇漫畫《MONSTERS》上下集將被改編為有聲漫畫，官方預計於 9 月 6 至 7 日於 Jump 官方 YouTube 公開影片。

而《海賊王》日本漫畫當然又可以免費睇，不過就係日文！如有興趣去集英社旗下電子書店、ZEBRACK 的《海賊王》1～90 集單行本階段性免費觀看。

《海賊王》1～90 集單行本階段性免費觀看期

即日起至 8 月 1 日：1～32 集

8 月 2 日至 15 日：33～61 集

8 月 16 日至 9 月 2 日：62～90 集

／
今だけ！ワンピキャラ福袋プレゼント第五弾！
＼#ウォーリーinワンピ　
の世界からお題のキャラを探してGETしよう！

ラストの第五弾は“ボン・クレー”を探せ！
難易度★★★★★

※応募は7月25日(日)23:59まで！
応募方法はこの投稿のスレッドをチェックしてね！ pic.twitter.com/ZR7utMGHnI

— ONE PIECEスタッフ【公式】 (@Eiichiro_Staff) July 19, 2021

最後個人認為咁多活動同最有料的係昨日出售週刊少年 Jump 33．34 合併號推出左《威利在哪裡》WHERE'S WALLY合作海報，假若大家成功找到草帽海賊團一行人，可以先追蹤《海賊王》官方Twitter（@Eiichiro_Staff），附上 hashtag「#ウォーリーinワンピ」並上傳照片或截圖發佈推文，據說可以參加福袋大抽獎。悶悶地點入去搵下WHERE'S 草帽海賊團都好有趣！