萬眾矚目嘅經典動畫《新世紀福音戰士》劇場版完結篇：《新·福音戰士劇場版:│▌》，即將於7月21正式落畫，而截至7月11日其累積票房已經達到99.9億日元，要突破100億已經係要達成嘅事實。

距離721仲有幾日咋，要成為歷史嘅注定會成為歷史，而《新·福音戰士劇場版:│▌》相信亦會載入日本電影史冊中，雖然距離歷史第一位嘅《鬼滅の刃》仲有一大段距離(超越400億日元)，但今集已經係《福音戰士》新劇場版當中票房最好嘅一集。

而黎緊海外嘅朋友終於有機會睇到《新·福音戰士劇場版:│▌》，因為電影將於8月13日獨家登陸Amazon串流平台Prime Video，唔喺日本嘅朋友想睇嘅話就要自己準備好啦。

歷年新劇場版票房數字 : 

・新·福音戰士劇場版： 序（2007）20億日元

・新·福音戰士劇場版： 破（2009）40億日元

・新·福音戰士劇場版：Q（2012）53億日元

・新·福音戰士劇場版:│▌（2021年）99.9億日元（截至7月11日）