《鬼滅の刃》有幾受歡迎真係唔使我再多講，其電影劇場版成功打破日本電影票房紀錄，足以證明其歷史地位！而無論咩類型嘅周邊產品，都會被一大班《鬼滅》Fans橫掃，而以下落黎最新嘅產品，絕對值得你去收藏！

7-11近日推出一款全新《鬼滅の刃》閃耀收藏咭，卡片以玻璃畫設計，一套20款，其中包括鬼殺隊九柱，當然包括最型嘅炎柱煉獄杏壽郎啦，主角竈門炭治郎、竈門禰豆子、我妻善逸以及嘴平伊之助亦都包含在內，鬼方面角色則有魘夢以及猗窩座，當中卡片更有隱藏版燙金款式，靚到不得了，收藏就梗架啦！

《鬼滅の刃》玻璃畫閃耀收藏咭 $20/包，全套20款，7款隱藏燙金版本。

*以上價錢有效期由 6月 23日至 7 月 6 日。價錢或有變動，不會預先通知，一切以店舖售價為準。