去年LEGO就推出咗一部1:8嘅林寶堅尼 Sian FKP 37模型，當時就已經被讚充滿細節而且還原度極高。不過LEGO似乎就覺得自己可以做得更好，所以近來就用40萬塊Lego、共8660小時，砌出一部1:1嘅Sian FKP 37。

根據林寶堅尼發出嘅新聞稿，呢部1:1 Sian FKP 37係完全跟足部真車黎設計，而且唔單止係個外表，部LEGO車入面真係有一個同真車同樣大小、同樣型狀嘅車架，就連車廂入面嘅軚盤、中控台、兩張凳、煞車碟同個卡鉗都係跟足真車設計，再用LEGO去重現。據知呢部1:1 Sian FKP 37係由一個15人嘅團隊負責，由設計到完成用咗8660個小時，全重超過近2.5噸。成部車用咗154款、共40萬件LEGO Technic零件砌成，當中有20款更加係為咗今次計劃而特別製造。

雖然呢個設計係只此一次嘅非賣品，大家就冇可能擁有，但LEGO亦整咗個虛擬車房等大家可以近距離睇下架LEGO Sian FKP 37。

資料來源：Lamborghini