相信各位朋友就算未親身用過打字機，都一定會知道喺咩嚟， 尤其係打字嗰陣嘅迷人「啪啪聲」，彷彿每打一粒字都為文章注入生命力。近日LEGO Ideas系列就推出「21327 Typewriter」復刻呢部經典裝置 ，除咗外觀充分還原之外，仲要每粒字母都可以按，只可惜部機就出唔到墨水，不過都可以畀大家過下手癮。

LEGO一向鼓勵粉絲發揮創意，喺2008年就創立LEGO Ideas網站畀大家投稿設計，更會將具潛力嘅設計量產投入市場。今次呢部「21327 Typewriter」，就係由LEGO忠實粉絲Steve Guinness設計，並喺LEGO Ideas平台獲得過萬人投票支持，繼而被LEGO公司正式商品化項目。

呢部打字機高11cm、、寬27cm、深26cm，由2079塊Lego積木1組成，鍵盤怖局採用「QWERTY」方法排例，每一粒字母都係印件，並唔係貼貼紙。除咗圓形鍵盤之外，仲可以將紙張捲入滾筒，用家每打一粒字，個紙張托盤都會從右至左移動，就好似真嘅打字機一樣。雖然部機就出唔到墨水，但隨盒會附送一封LEGO董事長Thomas Kirk Kristiansen簽名信，並翻譯成43種唔同言語版本，等用家可以「攝」入部機扮下嘢。

LEGO 21327 Typewriter定價為199.99美元（約$1550港幣），預計今年7月1日發售。