早前就同大家提過人氣漫畫 《咒術迴戰》似乎用草稿就直接上刊，引起動漫迷關注作者芥見下下身體狀況。今日芥見老師就透過《週刊少年Jump》Twitte宣布，由於身體不適，《咒術迴戰》將會休刊一個月，而下周推出嘅第152話只有9頁內容，敬請各位原諒。芥見老師亦表示自己並唔係患上大病，只係需要休息一下，粉絲們唔使太過擔心。希望芥見老師盡早康復，繼續為大家帶嚟精彩故事。

週刊少年ジャンプ29号(6月21日発売)より芥見先生の体調不良のため、『呪術廻戦』はしばらくの間休載させていただきます。
芥見先生からの直筆コメントも合わせてご覧いただけますと幸いです。
なお来週6月14日（月）発売の週刊少年ジャンプ28号では『呪術廻戦』は掲載されております。 pic.twitter.com/ntgiKuICFn

— 少年ジャンプ編集部 (@jump_henshubu) June 10, 2021

早前《亂馬1/2》、《犬夜叉》作者高橋留美子就開咗Twitter帳號，並分享佢每日嘅作息行程。從佢嘅時間表可以見到，身為漫畫家除咗食飯同做家務之外，差唔多其他時間都係畫緊漫畫，可想然之需要每周一更嘅芥見老師承受幾大壓力，仲要處埋今年年底嘅劇場版電影，必定非常操勞，希望芥見老師可以透過今次休養好好調理返身體。

去年、読者の方よりいただいた高橋留美子先生のQ＆Aを再掲載いたします。明日から毎日19時に１つずつアップしますね。まずは１つ目の質問です。
「高橋留美子先生の1日のタイムスケジュールを教えてください。」 pic.twitter.com/0WZO9djk7c

— 高橋留美子情報 (@rumicworld1010) June 1, 2021

人氣漫畫《咒術迴戰》由日本漫畫家芥見下下所創作，2018年3月5日於《週刊少年Jump》開始連載，上年開始翻拍成電視動畫，無論日本當地抑或係華語世界都大受歡迎。漫畫單行本累積銷量已經突破5,000萬本，成為「Oricon 排行榜」2021上半年漫畫銷量第二位，緊貼人氣大作《鬼滅之刃》。而改編自前傳《東京都立咒術高等專門學校》嘅動畫電影《劇場版 咒術迴戰 0》亦將於今年冬季正式上映。