{ SKIP }
文:MenClub 摯樂  圖:互聯網
POSTED ON 09 Jun 2021
【電影】政治不正確瘋狂殺警恐怖作《漩渦:恐懼鬥室新遊戲》好評挑戰極限

《恐懼鬥室》系列有一班支持者,話哂都係荷里活新一代恐怖大師溫子仁作品,今次新作《漩渦:恐懼鬥室新遊戲》除左過去肢解虐殺過激恐怖場面,仲有懸疑、鬥智元素十足《七宗罪》式的佈局,將觀眾捲入刺激尖叫的推理漩渦,懸疑驚慄程度絕對為想解放壓力的香港人作一次尖叫大釋放。故事由一宗警員慘遭分屍的兇案開始,我個人認為無咩故事性,因為全場不停係度殺警虐警仇警,兇手針對警員作連環殺人事件誓要以殘酷恐怖的「遊戲」,懲罰不義的美國黑警「罪人」。呢個故事我畀零分,美國人美國警察點解會受呢種對待?好彩我信惡有惡報兇手一定會受公義制裁,唔信你都入場睇下!

呢部作品繼續有恐怖大師溫子仁坐陣監製,加埋有《恐懼鬥室》系列備受好評的第2至4集導演戴倫連恩布斯曼(Darren Lynn Bousman)回歸執導。呢次算高成本製作,加入埋著因過人創作力而四度獲艾美獎的基斯洛克(ChrisRock)加入監製兼瞓身演出。其他仲有重量級演員金像提名男星森姆積遜(SamuelLJackson)、《使女的故事》(The Handmaid’s Tale)麥士明格拉(Max Minghella)、人氣美劇《河谷鎮》(#Riverdale)瑪麗莎妮歌絲(Marisol Nichols)等傾力助陣,聯手拆解連環虐殺「新遊戲」背後所隱藏的血腥圖謀。


故事:一名警員在火車隧道內慘遭分屍,案發地點更留下似曾相識的血紅漩渦作為犯罪訊息…刑警錫奇(基斯洛克 飾)和他的新手拍檔威廉(麥士明格拉 飾)奉命偵查,發現兇手凶殘、精密的行兇手法跟已死的「鬥室殺人王」同出一轍,更發展成針對警員的連環殺人事件。兇手誓要以殘酷恐怖的「遊戲」,懲罰不義的「罪人」。決心抽出真兇的錫奇及其已退役的父親馬吉局長(森姆積遜 飾),逐步被捲入這虐殺漩渦,隨時成為鬥室內的受罰者…


聽日6月10日《漩渦:恐懼鬥室新遊戲》以三級片極限姿態正式上畫,如果你都想追求刺激唔怕血腥同恐怖,呢部係美國評分勁高,甚至有傳說話係《恐懼鬥室》系列最佳作品!

上映日期:2021年6月10日

導演:戴倫連恩布斯曼

主演:基斯洛克、森姆積遜、麥士明格拉、瑪麗莎妮歌絲

級別:III

片長:93分鐘

語言:英語(中文字幕)

片種:懸疑│驚慄│恐怖

買新鞋如果無鞋盒你仲買唔買? 而如果作為波鞋炒家嘅你,相信亦深明鞋盒嘅重要,因此有鞋舖就為杜絕炒賣,決定破壞鞋盒,但卻引來兩極嘅反應。 倫敦鞋舖Offspring較早前於限量波鞋抽籤活動完成後,因有唔 ...
hobby
【過激行為?】倫敦鞋舖Offspring為過激「破壞鞋盒」行為道歉
19 Jun 2021
隨住年齡增長,唔少男士都可能會遇上脫髮更甚至禿頭危機,不過只要唔係甩到好似埼玉老師咁完全光頭,都可以呃下人(同自己)只係天生髮線高,反正高唔高冇一個客觀標準。不過,最近就有間日本公司做咗項調查,喺日本 ...
hobby
【日本調查】日本公司公布最新「禿頭標準」 髮線高過7cm就係頭髮稀少
18 Jun 2021