隨著多方消息指Apple有望今年推出第7代Apple Watch，最近愈嚟愈多情報流出，其中著名爆料人士Jon Prosser就透露，新一代Apple Watch錶身將會放棄原有圓角設計，改成類似iPhone 12嘅直角設計，並加入一款同AirPods Max差唔多嘅綠色配色。

Jon Prosser於片中表示，第7代Apple Watch預計將會用上代一樣採用44mm及44mm錶殼，不過錶身就會換上類似iPhone 12或iPad Pro嘅直角設計，而且將機身旁嘅喇叭由單排變成雙排長條開孔，預計播放音量及音果將會有所提升。至於顏色方面，Jon Prosser就認為今次Apple Watch將會加入一款接近AirPods Max綠色嘅全新配色，感覺將會好受女士歡迎。

除咗外觀方面，之前就有唔少消息指新一代Apple Watch將會加入血糖及血壓檢測功能，等用戶唔使「吉針」就Check到血糖濃度，絕對係糖尿病患者一大福音，不過暫時都係得個傳字，等到正式發布就會真相大白。

資料來源：9to5mac