由中國發射長征五號B遙二運載火箭，較早前雖然成功發射，但其重達21噸嘅第二節助推器殘骸卻於太空表現翻滾並墜落當中，專家估計殘骸最快本周六（8日）「重返」地球，按官方預計其破壞性應該....不大的。另一邊廂嘅Space X，日前亦成功發射火箭，並首次完成左一個一直未能成功嘅任務。

SpaceX此前一直嘗試希望將火箭發射後，能夠將佢完美送返地面，但奈何之前一直都失敗，連續試左4次都未能成功。而黎到第5次，終於比佢地成功左！

今次SpaceX將火箭「星艦（Starship）」發射升空至32000尺後，將其三個引擎熄左，令其保持水平嘅情況下不斷下降，去到目標高度嘅時候再重開其中兩個引擎令佢再次變返垂直狀態，然後慢慢降回地面。

今次「星艦」重返地面可以話接近完美，雖然從影片可以睇到火箭底部仍然有起火，但問題並不大，所以對於SpaceX黎講今次絕對係一次成功嘅火箭降落！