創建家庭影院向來唔少男士的夢想，AV擴音機正是箇中核心。以前總覺得選擇多的是但隨著經濟不景氣，早前連日本安橋廠都話傳出停牌，原來買部全新旗艦AV 擴音機唔係必然，見到大廠繼續推出新機就要把握機會同大力支持，等足大半年，先鋒 Pioneer 旗艦 11.2 聲道網絡影音擴音機 SC-LX904終於係香港見街推出。有玩開一定知Pioneer影音擴音機對上一部熱銷旗艦LX88已經係2014年產物，如今外殼差無幾但內裡截然不同，新世代Pioneer由內到外全面提升，從聲音分析力到音色層次，試玩過後頂級的「快、狠、準」以外仲可以百搭調配出各種玩味，無論你屋企點樣鑽石圓洪三尖八角，全交畀MCACC Pro 專業級自動多聲道校正系統，宅男係要宅出一部旗艦SC-LX904，宅出一個家庭小影院先至成為完美宅男。

Pioneer SC-LX904有好多玩法，調來調去可以有過千種聲音選擇，不過簡單起來都可以好簡單，全靠最新一代MCACC Pro 專業級自動多聲道校正系統至9點測量，Pioneer由2001年推出第一代MCACC創新自動音場功能，透過擴音機定製的咪高峰測量環境和器材聲音，進行精密聲學運算，自動補正喇叭尺寸、音壓及距離的差異，讓玩家輕易建立理想家居聲學環境。20年後呢套升級 MCACC Pro已經唔止準唔準確的問題，仲可以玩埋音響長期關注的駐波問題以「全頻段相位控制」（Full-band Phase Control）調整每隻喇叭不同頻段出現的延遲，實現更精確的房間音效調節。如果你有玩開二聲道，仲可以用佢精確距離（Precision Distance）喇叭修正及專家級 EQ Professional ，睇到你家居環境駐波問題同移位擺向逐格試喇叭的擺位，剩玩呢樣都隨時玩超過一套戲的時間。

20年前推薦 AV 擴音機 會同你講部機幾大力幾大W可以推到咩野喇叭，今時今日215 W x 11 聲道強勁輸出力呢句其定可以收埋，因為新世代 AV 擴音機已經唔止推動咁原始，而家玩埋全面解碼採用兩枚 384 kHz/32-bit ESS DACs（ES9026PRO），睇戲AV就做到前後大細11聲道同步同級聲音，連貫強勁，玩串流就可以利用強大384kHz / 24bit的 D/A 轉換享受網絡音樂的便捷。Pioneer 自家研發 Direct Energy HD線路已經去到第6代，憑著早幾年已經成功愈來愈成熟強大的D類擴音模組高效率高瞬變，聲音快狠準之餘仲可以自由調較。旗艦繼續有前後級獨立分離式結構，前級解碼放大和後級擴音各自獨立組件中間再加入分隔屏蔽線路板，數碼/模擬電路亦使用獨立的潔淨電源。廠方食腦使用獨特「雙重絕緣底盤」設計，通過鋼板屏蔽後級功率擴音器抑制相互干擾產生的有害雜訊，而且還可以通過特殊的絕緣子，將後級功率擴音器底盤固定在主底盤上，雙重結構進一步消除了電路之間的相互干擾和負載波動。此外，從前級到功率級的整個傳輸路徑，已經改為全平衡線路，以將無雜訊的高質素訊號傳輸到功率後級，帶來精準又既快且狠的強力的 7.2.4 聲道輸出，完美再現貴價取足認證的 Dolby Atmos®、DTS:X®及IMAX® Enhanced 新世代 360 度全覆蓋的環繞聲音效。

至於廠方講到使用點樣高級日本 Shinyei Capacitor （神栄キャパシタ）共同開發的音響級全新定製薄膜電容，用料點精良相信大家都唔會點驚訝，畢竟你作為旗艦機全部用最好的料子鍍金音頻端子都係應該，反而花小小心機用設計定製的非磁性鍍金喇叭接線柱，將磁力干擾減到最低就見到心思。機能上有哂Hi-Fi 級網絡音樂系統 Roon Tested 裝置認證、內建 Chromecast、Apple AirPlay 2、藍牙®、DTS Play-Fi®、Wi-Fi®以及FlareConnect™ 無線協定、支援 TuneIn 網絡電台及 40 組 AM/FM 預設頻道、支援 Spotify、TIDAL、Deezer Hi-Fi 及 Amazon Music音樂串流服務，可以全面支援FLAC、WAV、AIFF 及 ALAC 檔案格式之高解像音訊（192 kHz / 24-bit），亦支援播放 DSD（2.8/5.6MHz/11.2MHz）檔案就係一種適應新時代必要的機能。

值得一提的新功能係，最簡單支援 Enhanced Audio Return Channel（eARC）HDMI 音訊回傳通道，而家好多時訊源已經唔係碟機，靠部apple TV傳返個聲效入機都已經係常事。另一個有用功能係Dolby Atmos Height Virtualizer 上空音效模擬功能，如果你有玩向上反射的杜比全景聲天空喇叭，咁呢個功能可以補足中低頻以改善一般用反射喇叭高中同中低唔同步的情況。另外新增的「音訊專用模式」配合可聲畫獨立 HDMI 端子輸出的播放機，可關閉擴音機的影像訊號路徑，消除影像訊號干擾，輸出更細膩而且充滿空間感的聲音。而「AV直通模式」則會關閉網絡功能，只專責於音訊及影像播放，以抑制 AV 擴音機內的數碼雜訊，從而改善模擬、數碼輸入、HDMI 播放等的音質。當然PQLS 無時基誤差聲音傳輸時過去舊旗艦機有的功能就唔多介紹，最後講講個遙控終於識發光熄燈睇投影好有幫助。

總之，買新 AV 擴音機除非玩到分前後級，否則日系我一定推薦Pioneer SC-LX904，通常Pioneer旗艦係買到同買唔到的分別，因為識玩的堅會搶購，不過過去經驗係唔係急早買早享受，遲買實會返貨，其實日系AV 擴音機數哂都係一隻手夠數，全面快狠勁玩Pioneer ，強勁衝擊拳拳到肉睇天龍，音樂鏗鏘玩馬蘭士，平衡中性玩安橋，如果你咁利害仲搵到Sony av amp你自己堅持。最後玩AV擴音機千萬唔好慳錢，一係就堅入門買最平最薄個部，一係就入最旗艦型號，唔信？可以，不過玩多幾年換多幾部機，你都會講同一番話！