當各位見到胸大嘅女仔著貼身衫嗰陣，都可能都會心諗佢使唔使咁Chur啊？其實佢哋背後大有苦衷，最近Twiiter上有位女網友自貼平反，表示胸大著鬆身衫會非常顯肥，為咗顯瘦只能夠選擇著貼身衫，並唔係故意賣弄性感。

女網友remo0000n表示著鬆身衫嗰陣，個胸會「頂」起件衫，搞到睇落會好肥無晒線條，令佢好多衫都唔可以著。可能呢樣就係女士們成日所講嘅「胸大著衫唔好睇」。

不過佢亦表示貼身衫都有其他煩惱，除咗出街會被人望同誤會佢Show身材，亦會因為胸太大而搞到比例好奇怪，正面睇就無咩問題，但一打則身睇就會見到「下圍」非常凸出，感覺唔美觀。

有同樣煩惱嘅女網友就十分認同，留言話自己讀緊高中嗰陣因為要著校服所以顯得好肥，畢業後著出街衫見返舊同學，大家都會問佢係咪減咗肥，實際上佢只係咗套衫。

亦有男網友留言表示「雀大」都有煩惱，成日都著唔到淺色棉褲，每次著下體都會現晒形，搞到成個變態佬咁。

資料來源：togetter