最近日本運動飲品「寶礦力水特」最新一輯廣告，無電腦特效嘅夢幻畫面睇到各位大開眼界，同時打破過往陽光青春活力少女風格，見證時下審美觀變遷。今日就帶大家重溫一下歷代寶礦力女星，唔知大家最有印象、最鍾意又係邊個呢？

第一代：森高千里 （1986年～1988年）

嚴格嚟講喺1986年之前就已經有寶礦力廣告，但由於當時嘅女主角都係外國人，所以選擇以森高千里作為第一代寶礦力女星，唔知又有幾多人又睇過呢個廣告呢？

第二代：宮澤理惠 （1988年～1990年）

第三代：一色紗英（1992年～1994年）

一色紗英係90年代數一數二當紅女星，經常喺各部日劇及綜藝節目出現，現時係三個孩子嘅媽媽。

第四代：中山亞微梨（1995年～1996年）

第五代：後藤理沙（1998年～1999年）

後藤理沙出演時只有16歲，廣告片述佢去沙漠浸浴，經典白色背心造型令人念念不忘。曾經紅極一時，人氣媲美廣末涼子及小雪等王牌女星，不過其後發生一連串極具戲劇性嘅事，引退、復出、再引退、結婚、以全裸寫真女星身份再復出、下海、整容。

第六代：鈴木杏（2000年～2001年）

相信大家對鈴木杏都唔明陌生，佢就係《頭文字D》電影版入面嘅女主角茂木夏樹，即係被阿木話三萬蚊過夜嗰個。眼大大又充滿活力喺沙灘上玩滑板車，展示出炎炎夏日嘅獨有魅力。

第七代：綾瀬遙（2005年～2006年）

相信大家一諗起寶礦力廣告女星，第一時間就會閃過綾瀬遙嘅畫面，又追巴士又游水，迷倒唔少男士。

第八代：川口春奈（2009年）

川口春奈以Model身份出身，曾經參演過《金田一》及《麻辣教師GTO》等知名日劇。

第九代：中條彩未（2015年～2016年）

中條彩未係英日混血兒，Model身份出身，擁有9頭身身材，被日本網民稱為「宇宙第一可愛」。

第十代：八木莉可子（2016年～2018年）

曾被譽為水原希子接班人嘅八木莉可子，15歲嗰陣獲邀出演寶礦力廣告，清純形象加上出色舞蹈為觀眾留下深刻印象。

第十一代：茅島水樹（2019年）

從上一代開始，寶礦力就開始鍾意用一大班少男少女跳舞展示青春活力，一鏡到底嘅拍攝手法引人入勝，令人視線無法離開螢幕。

第十二代：汐谷友希（2020年）

今次寶礦力又重新用返舊橋，學生妹加陽光與海灘，邊玩水拎起支寶礦力飲。

第十三代：中島セナ（2021年）

最後就係最近一輯廣告女主角中島セナ，可以見到寶礦力咁次大改風格，除咗搵嚟現年15歲但外貌成熟冷豔嘅中島セナ，亦打破舊有風格，大玩夢幻視覺效果。

唔知大家睇完咁多代寶礦力女星，最鍾意又係邊個呢？