{ SKIP }
文:MenClub 波特先生  圖:互聯網
POSTED ON 29 Mar 2021

其實只要你有求真嘅心,基本上你都可以係記者,現實上當然有啲組織就要你有記者證佢先覺得你有少少可能係記者啦。而Apple TV+ 原創劇入面,就有一套《小記者.大真相》(Home Before Dark),講述一名美國9歲小朋友憑住求真嘅心,去追查一宗背後牽涉大財團嘅殺人真相。

呢對《小記者.大真相》將於6月11日推出全新嘅第二季,劇集再次引起人們對民間報道、調查真相嘅代價等話題熱烈討論,所以話有啲野真係唔好以為遮得到,發生就係發生左,就算9歲小朋友都可以發現同明白個真相。

故事講述小女孩 Hilde(Brooklynn Prince 飾) 由紐約市搬到去父親麥特(Jim Sturgess 飾)曾經居住過嘅湖邊小鎮 Erie Harbour,年紀輕輕但勇於尋求真相嘅佢意外揭露左一樁鎮上所有人、包括佢父親在內都試圖隱瞞嘅人口失蹤懸案,更發現多個有關佢父親嘅驚人秘密。最新一季劇情將延續呢單懸案嘅突破性發展,同時,當 Erie Harbour 嘅農場發生一宗離奇爆炸意外,滿腔記者魂嘅 Hilde 隨即展開調查,發現案情將佢嘅屋企人同當地居民嘅安危都捲入其中,而同她正面對決嘅,將會係一個財雄勢大嘅企業集團。

換轉你係佢,又敢唔敢膽揭發真相,定係忍辱偷生忍辱偷生呢?

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025