《 AME運動電競館》早前已引入多項電競運動器械，近日宣佈再引入全新首部智能戰繩機，想一嚐渣渣輝「激戰」滋味，而家就有機會免費體驗啦。

只要即刻於網上預約，你就有機會喺3月29至4月29日期間 (只限星期一至五)，於《AME運動電競館》免費玩呢部智能戰繩機「E-Battle Rope」及兩項運動電競項目，名額3000個，先到先得。報名網址：https://reurl.cc/R68Nme

而呢部全港首部智能戰繩機「 E-Battle Rope」，有別於一般戰繩訓練，除地面鋪有智能感應 互動地墊外，玩家仲可以挑選闖關模式、打怪物模式或訓練模式，訓練同時打機過關，咁就唔係死做爛做咁悶。

佔地3,400呎的《 AME運動電競館》係本地首個融合「運動」與「電競」嘅主題館 ，場內設施均由提供運動醫療支援及提升體能方案嘅運動科學團隊 Fitzio Fitness協力開發，以運動醫學知識及臨床經驗，為參加者提供賽後訓練建議及科學數據分析，更首度與研發心率穿戴裝置逾40年嘅芬蘭品牌 Polar合作，以全新推出嘅 Polar Verity Sense 光學心率傳感器為參加者監測心率。