Patrick呢個來自法國嘅鞋款喺香港雖然唔算出名，但自1978年品牌進軍日本、2006年開始於日本設廠推出日本版之後，Patrick就成為日本流行運動鞋品牌，亦以簡約設計線條同據說非常舒服嘅鞋型深受日本人歡迎——我知咁樣講大家都係唔會對Patrick呢個品牌有咩興趣，但如果加埋高達你又點睇？

冇錯！再一次係Strict-G推出嘅高達服飾系列！Strict-G繼去年與Patrick聯乘推出聯邦、馬沙、自護三個鞋款之後，最近又再一次合作，今次以《Z高達》中嘅機體為主題，以Patrick著名鞋款「Marathon」分別配上「Z高達」、「百式」及「重高達」三種配色。其中比較特別嘅係「百式」款只有鞋身「百式」字樣係金色，其餘係以泥黃色為主，頗適合近年流行嘅Earth Tone (免責聲明：Fashion嘅嘢我識條鐵，買咗返黎唔好襯唔關我事)。

三個鞋款都係男女通用，由24到28碼都有，售價為22,550Yen，即係約HK$1,600。好似都就黎賣哂啦。