{ SKIP }
文:MenClub 艾力克  
POSTED ON 19 Mar 2021

最近有一位前Dyson工程師率領開發團隊,發明咗一個「鼻罩」,聲稱可以過濾空氣中大部份PM2.5,等你可以呼吸清新空氣,降低患上呼吸道疾病風險。

開發團隊引用世衛數據表示,現時全球每9位死者就有一個死於空氣污染、空氣污染令人類平均壽命縮短咗三年。同時全球有92%城市唔符合世衛空氣質量標準,長期曝露喺空氣當中會增加患上肺癌、心臟病及呼吸道疾病風險。所以佢哋就希望發明一個可佩載空氣過濾器,等大家可以呼吸清新空氣。

(圖片截至:kickstarter

可能大家會話,要防空氣污染戴個口罩咩PM2.5都隔曬啦。開發團隊就話口罩本身係為醫生而設計,主要用嚟防飛沬,並無考慮到空氣流動及呼吸生物學,同時對環境製成嚴重破壞。有見及此,佢哋就發明咗一嚿名為「NOSY」嘅「鼻罩」,等用家可以暢通呼吸同時過濾有害物質。

(圖片截至:kickstarter

呢個「鼻罩」入面有HEPA及活性炭Filter,可以阻隔PM2.5、揮發性有機化合物、花粉及灰塵等。官方聲稱Filter可以用超過100小時,不過基於衛生考慮建議大家每個禮拜換一次。至於大家最關心嘅防唔防肺炎,正如你所見到,啲人露曬個口出嚟就知成效如何。另外亦有人話用口都可以呼吸,呢嚿野有幾大作用?官方就畀咗一個啱唔晒又錯唔晒嘅答案,「人大部份時候都用鼻呼吸」。

(圖片截至:kickstarter

先唔講佢功能幾「有用」,大家可能都會覺得「鼻罩」外型好似萬聖節裝飾,不過佢哋話設計靈感係嚟自Tesla Cyber ​​Truck喎...。但我覺得似寵物小精靈入面嘅朝北鼻多啲,戴完會仲變埋做ONE PIECE入面嘅芬奇。

至於售價方面,主體為65英鎊(約$700港幣)、4塊fliter為10英鎊(約$110港幣),值唔值就交畀各位去衡量。

資料來源:kickstarterbenosy
人氣搞笑動漫《Keroro軍曹》事隔16年再度回歸,宣布明年再推全新劇場版動畫!今次仲請嚟ano同粗品攜手獻唱新主題曲,各位「愚蠢嘅藍星人」準備好出年入戲院未? iframe width="560" height="315" src="https://ww ...
hobby
【動漫】《Keroro軍曹》全新劇場版2026年夏季上映 ano聯手粗品獻唱主題曲
04 Jul 2025
由Christopher Nolan執導嘅史詩鉅作《The Odyssey(奧德賽)》仲有一年左右先上映,但首部預告片日前已聯同《Jurassic World: Rebirth(侏羅紀世界:重生)》喺北美戲院一齊播出。不過,有觀眾就偷錄咗影片,並上傳 ...
hobby
【影視】Nolan新作《The Odyssey》首部預告已在戲院播出 內容隨即被盜錄公開到網上
03 Jul 2025