我真係好想揸保時捷「波子」返工但唔係大車係單車，Porsche 推出左兩款豪華新款電動單車 eBike Sport 同 eBike Cross。踩住佢仲型過玩跑車，不過呢兩款車的官方玩法係配搭Porsche Taycan Cross Turismo電動「波子」專屬跑車單車架，大大架單車掛係波子車尾，再施施然泊低架車取出保時捷單車駁腳踩兩條街返工。

Porsche 保時捷日前發表兩款 Taycan Cross Turismo 的純電動車，不過我地唔係汽車頻道，我的焦點英係同時推出的兩款豪華電動單車 eBike Sport 和 eBike Cross，]佢推出的目的同作用係方便波子車主遊車河時可短程踩下單車，預計春天正式發售。eBike Cross 定價係 8,549 美元，eBike Sport 則定價 10,700 美元起。

兩款單車的設計靈感來自 Taycan 車型，配備日本品牌 Shimano 變速器，採用全懸掛碳纖維車架以及 Magura 煞車，eBike Sport 係專門為街頭行車設計，電機支援最高時速 24 公里，避震足以應付各種城市路面。eBike Cross 則專為越野等困難路況設計，車座液壓技術可快速調節高度，滿足唔同需求。其實呢架單車最大的憂慮唔係價錢，而係買左後如何「防盜」。