喊到扒街的3D叮噹《STAND BY ME 多啦A夢 2》又來了！第一集如果你有幸睇過就知道多啦A夢呢個系列並唔係目標細路仔睇，反而係讓大人們淚如泉湧，日本叫做「哆啦哭泣（ドラ泣き）」今回第二集香港4月1號復活節有得睇啦，今次主題係人生與婚姻，大家終於睇到大雄同靜香成為一對新人，佢地有機會結婚啦！然而細個已經廢廢地的大雄大個依然廢柴，居然想逃婚，其實大雄係明哲之人，臨結婚都知道「婚姻是愛情的墳墓」，今次大玩時光機以不同年輪的大雄撞出人生大道理同感人深淚痕，作為大人要準備好紙巾入場，有人生同愛情經歷的要帶兩包，帶小朋友就要解釋下點解爸爸會喊：「仔你大個就明，但記住再困難有機會都要結婚。C'est la vie！」

我唸我唔駛同大家講下多啦A夢背景人物同故事吧？唯一要提醒你大雄係呢個故事的主角，多啦A夢只係時光機同器材贊助人，人才是人生經歷的主軸，就算你有再強大的道具，有些人和事就係要自我經歷成長，無得幫哂！《STAND BY ME 多啦A夢 2》推出左全新粵語版預告，電影將於4月1日復活節檔期全港公映；粵語、日語版同步上映：日語版由 妻夫木聰、宮本信子 分別聲演成人大雄同嫲嫲；粵語版則有元祖初代大雄同靜香的配音員回歸。

各位大家要知道你睇緊的只是大雄，而不是超人唔係英雄，實際上除左給小朋友睇的大長篇千篇一律故事外，大雄係唔會有救地球或溝死女的預設，所以千萬唔好對大雄的能力和行為有期待，愈是像平凡人愈要包容的才是STAND BY ME 多啦A夢故事核心，平凡人如你我他訓醒又一日，其實我們都是大雄，都要行自己的人生路見證成長！哭泣倒是因為為他掉眼淚實際我哭我！別怕盡情掉眼淚「能夠在別人面前哭泣的人才是堅強的人！」