早幾年日本科技公司Gatebox推出同名產品Gatebox投影裝置，為宅男們提供一個活生生嘅「老婆」。呢部只有咖啡機size嘅裝置，可投影出一個3D虛擬角色，仲可以同用家互動傾計，不過暫時只支援日文，如果各位想要日本妹老婆，除咗要課金之外，更要比心機學下日文。

事隔多年，近日Gatebox宣布將推出新產品《Gatebox Grande》。顧名思義，呢個「Grande」版Gatebox非常巨大，高2米、深約75cm，搭載4K解像度65吋OLDE螢幕，能夠投影出一個真人比例約165cm身高虛擬角色，並且裝有一系列感應器，當檢測到有人走到附近角色就會作出相應反應。

由於裝置頗為巨型，Gatebox表示產品市場定位打算係畀商店、電影院、博物館使用，當然如果用家屋企放得落都非常歡迎。

《Blade Runner 2049》入面嘅巨型全息投影廣告板。（圖片截至：imdb）

唔知幾時可以整到好似《Blade Runner 2049（銀翼殺手2049）》入面咁高科技嘅全息投影呢？咁就唔洗用個玻璃倉裝著「老婆」，等佢能夠喺一定範圍內移動，趴喺用家身上叫佢起身。