《進擊的巨人》漫畫下個月完結，講談社擺明炒作話題推出超正特大100本限量版「巨人用進擊的巨人」超大漫畫，真係印刷品用紙造放到好大，高達一米，重量接近15公斤，本星期六接受預訂，但只限日本本土，作品肯定將納入健力士世界紀錄，不過係世界嘅健力士紀錄唔係中國健力士世界紀錄。如果有興趣又有日本朋友不妨試試搶訂一本，激正！ 

呢本巨大版《進擊的巨人》漫畫。封面重現作品單行本第一集，再講多次高達1米。不過內容只收錄第1和第2話，全本大大本96頁。售價含稅含運費定價165,000日圓（港幣約11913）！

預購開放時間係本星期六（3月6日）日本時間中午12點，想搶訂又有日本國內朋友幫手，買定離手，正到無朋友！