曾幾何時，定格動畫乃係動畫嘅主流，無論係大家細個睇嘅《超級無敵掌門狗》、以至教育電視會播嘅《細菌大王》都係用上定格動畫嘅方式製作。雖然定格動畫有畫面比較像真 (畢竟真實存在) 嘅優點，但其極花時間嘅缺點就令呢個手法慢慢被遺忘——除咗一個叫堀貴秀嘅日本人。堀貴秀由2010年開始，自己製作人偶及道具場景、自己拍攝剪接，用咗7年時間製作出呢部連Gilmore Del Toro都話正嘅定格動畫《Junk Head》。

《Junk Head》其實早於2017年就製作完成，並已經於當年加拿大奇幻電影節最佳長篇動畫、以及日本Fantastic電影節嘅新導演獎，只係黎緊3月26日先首次於戲院正式上映。《Junk Head》故事描述一個環境污染及病毒襲擊嚴重的末日世界，基因變異的人類與機器人於地底世界生存的故事。

特別值得一提嘅係，堀貴秀於2014年就喺Indiegogo上為《Junk Head 2》展開眾籌，但到執筆之時都只係籌到十令萬港紙，距離100萬嘅目標非常遠。不過如果《Junk Head》上映後能夠引起話題，咁話唔定《Junk Head 2》都可能有面世之時。