疫情除咗對經濟造成直接影響，更可能影響到大家生育意願。據日媒《每日新聞》報導，最近日本厚生勞動省公布2020年人口初步統計，2020年出生人數比去年減少2.9%，僅有87萬2683人，再創歷年新低。當局更估計2021年出生率可能進一步降至80萬以下。

日本厚生勞動省。（圖片截至：每日新聞）

有分析認為，由於疫情問題導致社交活動減少，大家少咗機會認識對象培養感情，加上見到咁嘅時勢唔少夫婦都推遲生育計劃，等疫情緩和後再作打算。雖然隨著疫苗出現有望緩解疫情，但考慮到懷胎需時，預計出生率至少要等到2021年之後先有所改善。

唔少日本網民留言表示低出生率加上人口老化將為社會帶嚟嚴重問題，不過亦有人認為人口減少，糧食自給率就可以得到改善，對環境影響都少啲。事實上日本出生率已連續多年創下新低，只不過加上疫情影響，令情況更加嚴重。