買部超級電腦加模擬駕駛艙玩賽車大家見過，買部超級跑車入面裝電腦打機又見過未？日本車廠凌志Lexus就推出全新車款「Gamers’ IS」伙同Twitch 電競社群設計全車以電競遊戲作為主軸，你大可以請個司機開車自己座係副駕駛座專業打機！

呢架真車以一部Lexus IS 350F Sport為基礎改裝，行得走得仲打得機，全套強勁電競設備放哂上車，主機大大部放係車尾箱，然後最主要的作戰區域位於副駕駛座，所以車還是要開行，一路行一路打機，除左專業電競魂仲要長途車唔怕暈！

全車真係好玩得，我指電競部份包括一部配備 AMD 處理器與 MSI 的 GeForce GPU 的電腦，一個自帶觸覺回饋設定的座椅，一個曲面螢幕、可伸縮收納的鍵盤與滑鼠...如果你想用手制車上都有一隻全3D 列印的遊戲控制器。當然，全車仲有非常電競感閃到你暈的超級客製化 RGB 燈飾，由車頂到座椅一應俱齊。老老實實，係呢部車作戰的電競選手有太空人的體格完全唔怕頭暈，肯定係電競高手中的高手。