最近香港政府開始提供疫苗接種服務，大家又會唔會去打呢，定係怕有副作用諗住睇定啲先？日本同樣喺近日為國民提供疫苗接種，但係當地2020年死於肺炎嘅人數同2018年死流感嘅人數差唔多，唔少人擔心接種後嘅副作用或後遺症仲多過中肺炎，所以唔太多人選擇接種疫苗。

日本政府現時優先為醫療人員接種疫苗。（圖片截至：共同社）

日本政府有見此及，大派「定心丸」希望消除國民憂慮，提供誘因令國民接種疫苗。據日媒共同社報導，最近日本厚生勞動省大臣田村憲久表示，若因接種疫苗後不幸死亡，無論係咪醫療機構有所疏失，家屬都可獲得國家4420萬円（約324萬港幣）補償，更提供20.9萬円（約1.5萬港幣）喪葬費。

另外若果因接種後產生一級傷殘，將為18歲以上病人提供每年505.68萬円（約37萬港幣）補償金，如果病人無住院在家療養，每年仲會額外追加84.43萬円（約6.2萬港幣）護理費。